Laag zuurstof ademen

Ku e tèst aki ta midi kon bo kurpa ta reakshoná riba un kandidat di oksígeno abou (15%). E kandidat di oksígeno ta igual na e kandidat ku bo ta haña haltu den serunan, òf den avion. E tèst ta dura 1 ora i mei.

Preparashon

No tin mester prepashon spesífiko pa e tèst aki. Por kome, bebe i tuma bo remedinan normal. Bo ta mèldu na e sekshon di 'Longfunctie' na e ora palabrá.

Saminashon

Promé un laborant ta midi bo funshon di pulmon. Probablemente bo a jega di hasi’é mas biaha. Ta pega també e elektródonan riba bo pechu pa hasi un ECG durante e saminashon. Bo ta haña e banchi pa midi preshon pa bisti na bo brasa i un pènchi riba un dede ku ta midi e porsentahe de oksígeno ku bo tin den bo sanger (saturashon). Despues ta tuma un tiki sanger for di bo arteria di pòls òf èlebog. Awor ta haña e boka di un tubo den bo boka, ku ta konektá ku un blas yen di airu ku ta kontené oksígeno di 15%. Airu normal ta kontené 21 % di oksígeno. Ta buta un pènchi riba nanishi pa no hala rosea dor di dje. Por hala rosea liber dor di e tubo den boka. Pa un mei ora ta hala rosea trankil. Despues ta bolbe kue sanger pa midi e nivel di oksígeno. Awor por kita e tubo for di bo boka i hala rosea normal. Ta posibel ku tin ku tuma sanger un biaha mas pa wak si bo nivel di oksígeno a normalisá. Ta depende kon bo ta sinti bo mes despues di e tèst.